Esperanto-sveda vortaro

Ho, impresa! Sed kiel funkcios ret-serĉebla versio? Ĉu iel simile al reta PIVo, aŭ ĉu simple la aktuala paĝo kun la serĉita vorto montriĝas?

Dankon! Sed ĝi ja estas celita nur por desajni la paperan version. Retan version faru iu alia.

Mi ege dankas por via laboro, Andreas. Mi iom eksperimentos pri la retpaĝo, kaj poste pli multe komentos.

Nun mi skribas ĉefe al Martin Häggström kaj al Anders Sundman, kiuj ambaŭ skribis ke ili pretas kunlabori pro la tajpado de la vortaro. (Mi tamen skribgas publike en intere.se por allogi pliajn kunlaborantojn.)
Andreas Nordström ĉi-supre prezentis programon, per kiu ni povos fari la paĝojn de la vortaro. La programo de Andreas tamen estos helpo al ni en la fino de la procezo. Mi proponas ke ni nun komencu la laboron enskribi la materialon de Roland. Unue ĉiu el ni skribu 5-10 paĝojn. Poste ni diskutu la rezulton. Mi volas tamen jam nun prezenti kelkajn principojn.
1 Ni skribu plenajn vortojn por faciligi la uzon de la vortaro en komputila versio.
Do ni skribu:
publici publicera, offentliggöra
publicado publicering
publicaĵo publikation
publicisto publicist; aŭtonoma publicisto frilansjournalist
(Observu ke "aŭtonoma publicisto" venos post "publicisto" kaj post punktokomo(, ĉar ĝi estas esprimo enhavanta la tutan vorton "publicisto".
"Publicaĵo" male estas sur alia linio, ĉar ĝi enhavas la tute saman vorton.

Do, ni NE skribu:
public.i publicera, offentliggöra; -ado publicering; aĵo publikation; -isto publicist; aŭtonoma -isto filansjournalist.

2 Uzu dikajn literojn por la serĉvorto. Uzu kursivajn literojn por la lingvistikaj priskriboj, ekz z por zoologia vorto. Ni uzu la samajn mallongigojn kiel faris Roland.

3 Vi, Anders, skribis ke vi ne havas supersignitajn literojn en via komputilo. Vi havas plurajn eblecojn.
a Uzu la programon Esperanta konvertilo: www.esperanto.mv.ru/Ek/

b Unue skribu la tekston per x-kodo (sx anstataŭ ŝ k.t.p.) Poste enigu la tekston en konvertilo: www.esperanto.be/konvertilo.php Post tio, faru dikajn kaj kursivajn vortojn.

c Simple skribu sx Sx k.t.p. Ni povos ŝanĝi poste.

d Nepre ne kopiu kaj engluu ĉiu supersignita litero unuope. Tio estos laborego!

e Se vi bezonos helpon trovi bonan solvon, kontaktiĝu kun mi.

Mi cetere proponas ke ni komencu per kelkaj literoj, kiuj estas en bona ordo en la manuskripto de Roland:

Mi (Leif) komencos per P.
Martin komencos per U.
Anders komencos per Z.

Mi aldonas la dosierojn, kaj ni komencu!
Mi eldonas ankaŭ netskribaĵon, kiun mi faris pri la komenciĝo de la litero P, por ke vi komparu. Mi aldonas ankaŭ fotojn de paĝoj en german-sveda kaj angl-sveda vortaroj.

Mi komencos per U.
Martin

Bone.
Pri supersignitaj leteroj, mi solvis tion.