Saluton, karaj  ☼
Ĉu vi jam planis viajn aprilajn feriojn? Ĉu vi ŝatus plibonigi vian lingvonivelon, ekzameniĝi, kanti, bicikli aŭ bibli-umi en Esperanta etoso? Jen 2 ebloj:

PRINTEMPaS, jam la 14an fojon, 
invitas vin al kastelo Greziljono, apud la fama Luar-valo en Francujo
de vendredo, la 17a de aprilo,  ĝis dimanĉo, la 26-a de aprilo 2026

★ Famaj instruistoj: Birke Dockhorn, Zsófia Kóródy , Marion Quenut, Paweł Fischer-Kotowski
★ Eblas pasigi KER-ekzamenon (intervjuon)
★ Ekskursoj al lokaj vidindaĵoj, promenado en nia parko, ĝardenumado
★ Vespera programo

Jen pliaj informoj: gresillon.org/p >> Jen aliĝebloj:  gresillon.org/al << ⚠ Aliĝu tuj !

Mult-aktivec-tagoj, kiel ĉiujare.
de dimanĉo, la 26a de aprilo,  ĝis sabato, la 2-a de majo 2026

✩ Biciklaj promenoj kun Eddy van den Bosch kaj BEMI 
✩ Lerni Esperanton, pratiki Biblion kun Benoît Ente, dominikana frato 
✩ Ĥora (korusa) kantado kun Bernard Bigonnet kaj Interkant
✩ Prelegoj de Anne Amblès, Ella Strug, Thomas Bormann
✩ Tibeta gimnastiko, sudamerikaj dancoj

Jen pliaj informoj: gresillon.org/k >> Jen aliĝebloj: gresillon.org/al << ⚠ Aliĝu tuj ! 

Den här e-postadressen skyddas mot spambots. Du måste tillåta JavaScript för att se den.

La Estraro de Universala Esperanto-Asocio decidis, ke la 112-a Universala Kongreso de Esperanto (UK) okazos en Melburno, Aŭstralio, de la 1-a ĝis la 8-a de julio 2027.

Melburno, ĉefurbo de la subŝtato Viktorio, estas moderna kaj kultura centro de Aŭstralio, konata pro sia riĉa kultura vivo, vigla multnacia medio kaj mondfamaj edukaj institucioj, inkluzive de la Universitato de Melburno. Fondita en 1835, la urbo plurfoje estis nomata la “kultura ĉefurbo de Aŭstralio” kaj gastigas grandan nombron da festivaloj kaj internaciaj eventoj. Ĝi posedas ankaŭ la Unesko-listigitan Royal Exhibition Building kun Carlton Gardens.

Melburno ofertas ampleksajn turismajn spertojn: la riveron Yarra, la historian Queen Victoria Market, St Kilda, buntajn stratetojn kun kafejoj kaj strata arto, same kiel elstaran gastronomian diversecon.

Melburno/Narrm estas la tradicia tero de la Kulina nacio. La regiono, kies tradicia nomo en la lingvoj Woiwurrung kaj Boonwurrung estas skribata respektive kiel Narrm aŭ Naarm, estas hejmo de aborigena historio de almenaŭ 40 000 jaroj. La tradicia nomo reflektas profundan kulturon kaj ligon al la tero, akvo kaj kreorakontoj.

Melburno disponas tre bonan infrastrukturon por internaciaj eventoj: modernan kongresejon, efikan transportreton, vastan loĝejaron kaj gastaman, kulturan atmosferon. Pro tio UEA akceptis la inviton de Aŭstralia Esperanto-Asocio (AEA) kaj Melburna Esperanto-Asocio (MEA), al kiuj UEA esprimas sinceran dankon. La aŭstralia Esperanto-movado havas longan kaj aktivan historion, kaj Melburno dum jardekoj funkcias kiel grava centro de la loka movado.

Laŭ gazetara komuniko de UEA/Libera Folio

Karaj donacantoj, salutojn.

Ni, ANF-anoj, estas tre dankemaj al vi ĉiuj, kiuj konstante helpas nin kaj antaŭenigas nian organizaĵon.

Dank ‘ al viaj monhelpoj, Bertin unu el la prizorgataj infanoj niaj suferanta de la falciĉela anemio, ricevas nun medicinan prizorgon! Li daŭre prenos siajn medikamentojn ĉiutage, same kiel Célestine, alia knabino kun la sama malsano. La medikamento nomiĝas Hydrea 500mg, kaj kostas 10$ semajne.

Vi ankaŭ pensis helpi al Lydie kaj Evaline, kiuj nun loĝas en la orfejo Klara Zamenhof. Ili nun bezonadas manĝaĵon, kiu kostos almenaŭ 100$ monate.

Koncerne la pagojn de la lernejkotizoj de la unua trimestro por la infanoj kiuj estas forpelitaj tage po tage, post ricevo de viaj monhelpoj, nun al ni ankoraŭ mankas 3 700 $, kiujn ni bezonas de nun ĝis la fino de decembro 2025. Ĉu vi povus rehelpi , laŭ viaj rimedoj?

Grandegan antaŭdankon pro via helpo!!!

Por mondonaci bonvolu malfermi la jenan ligilon :

https://www.esperanto.de/eo/asocio-nova-familio-eo

Nome de la Asocio Nova Familio : A. kaj Betti