Intere por aktivuloj, interese!

Unua Tanzania Esperanto-Safaro

By Ann-Louise Åkerlund , on 28 March 2026 15:02

Partoprenu la Unuan Tanzanian Esperanto-Safaron, kiu vojaĝigas vin de Daresalamo tra la Nacia Parko Saadani, Ngorongoro, Serengeto, la Esperanto-Mezlernejo en Marambeko al Mŭanzo, kie vi partoprenos la Unuan Landan Kongreson de Esperanto en Tanzanio post la 109-a UK. Tio estas unika okazo sperti la senkomparan pejzaĝon, plantaron kaj bestaron de Tanzanio kaj konatiĝi kun ties juna kaj vigla Esperanto-movado. Unu fojon en via vivo vi nepre devas viziti Tanzanion, kie vivis antaŭ du milinoj da jaroj en Ngorongro la unuaj homoj. Ĉar la homaro estiĝis en Tanzanio, fakte iel ĉiuj homoj sur la Tero estas Tanzanianoj. Do venu hejmen!

https://allsprachendienst.ch/esperanto/files/Unua-Tanzania-Esperanto-Safaro-Broshuro_5zmly0dz.pdf

La evento ankaŭ taŭgas por komencantoj aŭ komencontoj de Esperanto, ĉar dum la safaro intensive instruos Esperanton. Do, se vi venas kun via partnero, kiu ankoraŭ ne scipovas nian lingvon, ŝi aŭ li post reveno ankaŭ estos esperantisto.

Kun amikaj salutoj

Didi Weidmann

Boko Magengeni, Good Neigbourhoud Street. Mbweni, Kiondoni. Dar Es Salaam
P.O.Box 60285 Kawe Dar Es SaLaam

Tel. +41796102572 (Schweizer Mobil-Nummer, D.M. Weidmann)
Tel. +255 760 093 754 (Mobil-Nummer Tansania, D.M. Weidmann)
E-Mail: Den här e-postadressen skyddas mot spambots. Du måste tillåta JavaScript för att se den.

Adresse Schweiz: c/o Allsprachendienst Esperanto GmbH, Freiestrasse 24a, 8610 Uster
Festnetz Schweiz (wird zu mir umgeleitet zum Schweizer Lokaltarif) +41 44 251 50 25

Interesa prelego en Kopenhago: PIONIROJ PER BILDOJ

By Ann-Louise Åkerlund , on 28 March 2026 10:01

Lundo 20 aprilo je la 19a horo en Brønshøjvej 3, 2700 Brh

La unuaj pioniroj en Kopenhago kaj la polemika apero de konkuranta lingvo en Parizo. La vizito de Zamenhof en la dana ĉefurbo kaj lia sekreta kunveno kun mondfama lingvisto (kunveno, kiu ŝajne devis resti sekreto).

Bent faras lumbildprelegon (power point) pri tiu tikla historia afero.

Ni kunvenas en Kulturdomo BRØK ĉambro: Nabolaget 1a etaĝo, wifikodo Public, enirkodo 358902

Brønshøjvej 3, 2700 Brh.

Brønshøjvej ĉe Brønshøj Torv estas facile atingebla per busoj

2A, 5C, 350S kaj 10. Oni povas senpage parki aŭton en la ĉirkaŭaĵo sed atentu la tempolimitadon kaj lokojn por elektraj aŭtoj, ”delebiler” ktp.

Oni povas veni 1-2 horojn antaue por manĝi aŭ kafumi en la cafejo en la kelo. Vidu https://broek.kk.dk/spisehuset Aspektas ke oni povas sidi tie sen aĉeti ion.

Amike

Bent Jensenius

Den här e-postadressen skyddas mot spambots. Du måste tillåta JavaScript för att se den.

20 27 08 39

Esperanta Retradio - estas 15 jara!

By Ann-Louise Åkerlund , on 28 February 2026 16:30

𝗘𝗦𝗣𝗘𝗥𝗔𝗡𝗧𝗔 𝗥𝗘𝗧𝗥𝗔𝗗𝗜𝗢 - 𝗘𝗦𝗧𝗔𝗦 𝟭𝟱 𝗝𝗔𝗥𝗔!

Jam de 15 jaroj Esperanto-Retradio kreas en ĈIU TAGO 3-6 minutajn mallongajn sonmaterialojn por helpi la ekzercadon de la parolata lingvo. Oni povas ne nur aŭdi lingve korektajn Esperantajn tekstojn, sed oni povas samtempe vidi ankaŭ ilian tekston sur la ekrano.

La sonmaterialoj estas tre utilaj kaj por komencantoj kaj por meznivelaj esperantistoj.

Grandan gratulon al Anton Oberndorfer, redaktoro kaj manaĝero de "Esperanta Retradio"!

Vidu: https://esperantaretradio.blogspot.com/2026/02/15-jara-jubileo-de-la-retradio.html

Szilvási László

----
www.eventoj.hu

PRINTEMPE 2026. Venu ĝui la printempon dum pasko en Wiesbaden!

By Ann-Louise Åkerlund , on 31 January 2026 09:37

Saluton, karaj!

Ĉu vi jam planas viajn paskajn tagojn? Ĉu vi ŝatos pasigi ilin en internacia renkontiĝo kaj ĝui Esperanto-etoson?

PRINTEMPE 2026

invitas vin al Wiesbaden, ĉe la Rejno-valo, en la koro de Germanio,

de ĵaŭdo, la 2-a, ĝis ĵaŭdo, la 9-a de aprilo 2026
(Pasko estos en dimanĉo, 5a de aprilo).

Aliĝu per la nunaj kotizoj ĝis la 26a de januaro
https://esperanto.land/printempe/#alighilo

Kial veni?

✅ Internacia etoso: Renkontu malnovajn kaj novajn amikojn el multaj landoj!
✅ Kulturo kaj amuziĝo: Prelegoj, diskutrondoj, ludoj, muziko, konversacio – kaj babilado ĝis la noktomezo!
✅ Promenoj kaj ekskursoj gvidos vin tra la urbo Wiesbaden kaj al apudaj celoj de la bela Rejn-valo.
✅ Lernado de Esperanto: Kursoj por komencantoj kaj progresantoj.
✅ Konvena loko: La renkontiĝo okazos en la junulargastejo de Wiesbaden, kun komfortaj ĉambroj. La afablaj kunlaborantoj de la domo jam gastigis plurajn belajn Esperanto-renkontiĝojn :)
✅ Facila alveno: Bone ligita per trajno, buso kaj aviadilo (proksime al Frankfurto ĉe Majno).

Jen pliaj informoj
https://esperanto.land/printempe/#printempe
kaj la reta aliĝilo
https://esperanto.land/printempe/#alighilo

Jam aliĝis 15 homoj el 4 landoj - aliĝu ankaŭ vi :)

Bonvolu plusendi ĉi tiun mesaĝon al viaj kluboj, amikoj, kaj Esperanto-grupoj.

Aparte ni ĝojos, se venos ankaŭ novuloj, komencantoj kaj progresantoj.
Ĉiuj estas bonvenaj – de komencantoj ĝis fluaj parolantoj, de beboj ĝis malpli junaj homoj.

Kio estas PRINTEMPE?

PRINTEMPE estas la daŭriganto de PSI, Printempa Semajno Internacia, kiu ĉi-jare ne povos okazi. Por ke ni ĉiuj tamen povu ĝui belan paskan renkontiĝon ni interkonsente kun Germana Esperanto-Asocio kaj la ĝisnunaj PSI-organizantoj ofertas tiun ĉi renkontiĝon PRINTEMPE :)

Ĉe demandoj ne hezitu kontakti nin. Ni ĝojas atendi vin en Wiesbaden!

Ĝis baldaŭ en PRINTEMPE

Lu Wunsch-Rolshoven

por la teamo de EsperantoLand

https://esperanto.land/printempe/#printempe

-- 
Lu Wunsch-Rolshoven
EsperantoLand e. V. (r. a.)
Tel. 0173 162 90 63 kaj 0151 2891 3686
El eksterlando +49 - 173 162 90 63, +49 - 151 2891 3686

PRINTEMPaS, 17-26.aprilo, en FR-49150 Baugé. Venu por bona KURSO. Restu por bicikli, kanti, biblio ĝis 2.majo

By Ann-Louise Åkerlund , on 30 January 2026 10:35

Saluton, karaj ☼
Ĉu vi jam planis viajn aprilajn feriojn? Ĉu vi ŝatus plibonigi vian lingvonivelon, ekzameniĝi, kanti, bicikli aŭ bibli-umi en Esperanta etoso? Jen 2 ebloj:

PRINTEMPaS, jam la 14an fojon,
invitas vin al kastelo Greziljono, apud la fama Luar-valo en Francujo
de vendredo, la 17a de aprilo, ĝis dimanĉo, la 26-a de aprilo 2026

★ Famaj instruistoj: Birke Dockhorn, Zsófia Kóródy , Marion Quenut, Paweł Fischer-Kotowski
★ Eblas pasigi KER-ekzamenon (intervjuon)
★ Ekskursoj al lokaj vidindaĵoj, promenado en nia parko, ĝardenumado
★ Vespera programo

Jen pliaj informoj: gresillon.org/p >> Jen aliĝebloj: gresillon.org/al << ⚠ Aliĝu tuj !

Mult-aktivec-tagoj, kiel ĉiujare.
de dimanĉo, la 26a de aprilo, ĝis sabato, la 2-a de majo 2026

✩ Biciklaj promenoj kun Eddy van den Bosch kaj BEMI
✩ Lerni Esperanton, pratiki Biblion kun Benoît Ente, dominikana frato
✩ Ĥora (korusa) kantado kun Bernard Bigonnet kaj Interkant
✩ Prelegoj de Anne Amblès, Ella Strug, Thomas Bormann
✩ Tibeta gimnastiko, sudamerikaj dancoj

Jen pliaj informoj: gresillon.org/k >> Jen aliĝebloj: gresillon.org/al << ⚠ Aliĝu tuj !

Abonnera på inlägg

Niaj kategorioj

La Blogo